Jeremiah 7

UJeremiya utshumayela ethempelini

1Ilizwi elafika kuJeremiya livela eNkosini lisithi: 2Mana esangweni lendlu yeNkosi ^a umemezele khona lelilizwi uthi: Zwanini ilizwi leNkosi, lina bonke bakoJuda, abangena kulamasango ukuzakhonza iNkosi. 3Itsho njalo INkosi yamabandla, uNkulunkulu wakoIsrayeli: Lungisani indlela zenu lezenzo zenu, ^b khona ngizalenza ukuthi lihlale kulindawo. ^c 4Lingathembi lina emazwini amanga ^d okuthi: La alithempeli leNkosi, ithempeli leNkosi, ithempeli leNkosi. 5Ngoba uba lilungisisa lokulungisa izindlela zenu lezenzo zenu; ^e uba lisenza lokwenza isahlulelo phakathi komuntu lomakhelwane wakhe; ^f 6lingacindezeli ^g owezizweni, ^h intandane, ^{i , j} lomfelokazi, lingachithi igazi elingelacala kulindawo; ^k futhi lingalandeli abanye onkulunkulu ^l ukuze kube kubi kini; ^m 7khona ngizalenza ukuthi lihlale kulindawo, ^{n , o} elizweni ^p engalinika oyihlo, ^q kusukela endulo kuze kube nininini. ^r

8Khangelani, lina lithembela ^s emazwini amanga angasizi lutho. ^t 9Lizakweba, libulale, lifebe, ^u lifunge amanga, ^v litshisele uBhali impepha, ^w lilandele abanye onkulunkulu elingabaziyo yini? ^x 10Beselisiza lime phambi kwami kulindlu, ebizwa ngebizo lami, lithi: Sikhululwe ukuze senze zonke lezizinengiso. 11Indlu le, ^y ebizwa ngebizo lami, isibe lubhalu ^z lwabaphangi ^aa emehlweni enu yini? Khangelani, mina sengibonile, itsho iNkosi. 12Ngoba yanini khathesi endaweni yami ^ab eseShilo, ^{ac , ad} lapho engamisa khona ibizo lami kuqala, ^ae libone engikwenzileyo kiyo ngenxa yobubi babantu bami uIsrayeli. ^af 13Khathesi-ke, ngoba lenzile yonke le imisebenzi, itsho iNkosi, njalo ngikhulumile lani, ngivuka ngovivi ngikhuluma, ^ag kodwa kalizwanga, ngalibiza, kodwa kaliphendulanga; ^ah 14ngakho ngizakwenza kulindlu, ebizwa ngebizo lami, elithemba kiyo, lakundawo engayinika lina laboyihlo, ^ai njengalokho engakwenza eShilo. ^aj 15Njalo ngizalixotsha lisuke ebusweni bami, njengalokho ngaxotsha bonke abafowenu, ^ak inzalo yonke kaEfrayimi. ^al 16Ngakho wena ungabakhulekeli lababantu, ^{am , an} ungabaphakamiseli ^ao ukukhala loba umkhuleko, ^ap ungalabheli kimi, ^aq ngoba kangiyikukuzwa. ^ar

AbakoJuda badumisa onkulunkulu babezizwe

17Kawukuboni yini abakwenza emizini yakoJuda lezitaladeni zeJerusalema? 18Abantwana batheza inkuni, laboyise baphembe umlilo, labesifazana baxove inhlama, ^as ukuze benzele indlovukazi yamazulu ^at amaqebelengwana, ^au bathululele abanye onkulunkulu iminikelo yokunathwayo, ^{av , aw} ukuze bangithukuthelise. ^ax 19Bathukuthelisa mina yini? ^ay itsho iNkosi. Kabazenzeni yini ^az kuze kusanganiseke ubuso babo? ^ba 20Ngakho itsho njalo iNkosi uJehova: Khangela, intukuthelo yami lolaka lwami kuzathululelwa kulindawo, ^bb phezu komuntu, laphezu kwenyamazana, ^bc laphezu kwezihlahla zasendle, laphezu kwesithelo somhlabathi; njalo kuzakutsha, kungacitshwa. ^{bd , be}

AbakoJuda bazatshaywa ngenxa yokuhlamuka kwabo

21Itsho njalo INkosi yamabandla, uNkulunkulu kaIsrayeli: Fakani iminikelo yenu yokutshiswa kanye lemihlatshelo yenu, ^bf lidle inyama. ^bg 22Ngoba kangikhulumanga kuboyihlo, ^bh njalo kangibalayanga ngosuku engabakhupha ngalo elizweni leGibhithe, mayelana lendaba zeminikelo yokutshiswa kumbe imihlatshelo. ^bi 23Kodwa ngabalaya le into ngisithi: Lalelani ilizwi lami, ^{bj , bk} njalo ngizakuba nguNkulunkulu wenu, ^bl lina-ke libe ngabantu bami; njalo hambani ngayo yonke indlela engililaya yona, ^bm ukuze kulilungele. ^bn 24Kodwa kabalalelanga, kabathobanga indlebe yabo; ^bo kodwa ^bp bahamba ngamacebo, ^bq ngenkani yenhliziyo yabo embi, ^br bahlehlela nyovane, ^bs hatshi-ke phambili. 25Kusukela osukwini oyihlo abaphuma ngalo elizweni leGibhithe kuze kube yilolusuku, ngithume kini zonke inceku zami, abaprofethi, ^bt insuku ngensuku ngivuka ngovivi, ngithuma. ^{bu , bv} 26Kanti kabangilalelanga, ^bw njalo kababekanga indlebe yabo, ^bx kodwa benza intamo yabo yaba lukhuni; ^by benza kubi kulaboyise. ^bz 27Ngakho uzakhuluma wonke lamazwi kibo, ^ca kodwa kabayikukulalela; futhi uzababiza, ^cb kodwa kabayikukuphendula. 28Ngakho uzakuthi kibo: Lesi yisizwe esingalaleli ilizwi leNkosi, uNkulunkulu waso, lesingemukeli ukulaywa; ^cc iqiniso liphelile, ^cd liqunyiwe emlonyeni waso.

29Gela ^ce inwele zakho, ^cf wena Jerusalema, uzilahle, uphakamise isililo emadundulwini; ^cg ngoba iNkosi isalile yasidela isizukulwana solaka lwayo. 30Ngoba abantwana bakoJuda benzile ububi emehlweni ami, itsho iNkosi; babekile izinengiso zabo endlini ^ch ebizwa ngebizo lami, ^ci ukuze bayingcolise. ^cj 31Bakhile-ke indawo eziphakemeyo ^ck zeTofethi, ^cl ezisesihotsheni sendodana kaHinomu, ^cm ukuze batshise amadodana abo lamadodakazi abo ngomlilo; ^cn engingabalayanga khona, ^{co , cp} lokungavelanga enhliziyweni yami.

32Ngakho khangela, insuku ziyeza, ^cq itsho iNkosi, lapho engasayikubizwa ngokuthi yiTofethi, ^cr loba isihotsha sendodana kaHinomu, ^cs kodwa isihotsha sokubulala; ngoba bazangcwaba eTofethi, kuze kungabi landawo. ^ct 33Lezidumbu zalababantu zizakuba yikudla kwenyoni zamazulu, ^cu lezezinyamazana zomhlaba, kungekho ^cv ozazethusa. 34Khona ngizakwenza ^cw kuphele emizini yakoJuda ^cx lezitaladeni zeJerusalema ilizwi lenjabulo, ^cy lelizwi lentokozo, ilizwi lomyeni, ^cz lelizwi likamakoti, ngoba ilizwe lizakuba lunxiwa. ^da